موطنه اغله وطن خيراته كثرة شعب
شما كصه بيه الغدر وكطع وصاله شعب
يبقى ضياءه وهج بكهف اليالي شعب
بالخير بالغانمه مرتفع دومه علي
وشما بعدني السفر يبكه حنيني علي
ياوطن بيه حسين يارض بيهه علي
وشعب العراقي ابد ماالكه مثله شعب
كالولي كلبك هوه كلت الكلب ما هوه
كالولي طاح الجبل كلت الجبل ما هوه
كالولي تعرف وطن كلت الوطن ما هوه
كالوا عليه انسطر وانصاب عقله وجن
وهمومي عني ابعدن وانوب ردن وجن
وحشاي وسط الجسم ابنار شبن وجن
لن الوطن للغرب وابن الوطن مــــاهوه
احنا ذوات العرف ما نقبل الفتنه
يخسى النذل لو على جمر الغضا فتنه
يا فاتن الشوق بدروب الهوى فتنه
لو شمرن فوق شملول الشجاعة نحب
ياما دعينا الخصم باكي بطرفة نحب
احنا عزاز النفس اللي يحبنا نحب
ومن فات عن حالنا عن حالته فتنه
قصتي العليه سدت من كل غريبه ... غراب
انه غريب بهلي واهلي عليه .... غراب
من دون كل النجم نجمي بسماك ... غراب
عليت فوكَ الكَلب من عندك انه .. شعل
حاركَني حبك حركَ شاعل كَليبي ... شعل
جانن طيور العمر كلهن مساكي .. وشعل
شنهو الجره يا ترف صارن اليوم .. غراب
**********************************
دنياي حلفت علي اتوجر دليلي ...وجار
والوكت اخ الوكت لفني بشبجته ... وجر
شبيدي اعله حكم الدهر لو شلع كَلبي... وجر
وانه الكَضيت العمر دمع الحزن ... جاري
شمكَول ريحي بشبج حكم الدهر .. جاري
لكن الغثني طحت بين اخوتي .. وجاري
جاروا عليْ اخوتي وهد وفزعلي .. الجار
**********************************
من يوم مسره الضعن هذا الكَلب ... منجله
وجرحك حبيبي تره بكَلبي ابد .... منجله
درب الهلاك الصدكَ ودرب الجذب ... منجله
احنه اهل للصدكَ والي نكر ... ودنه
ينزل بعين الخلكَ لحد السفح ... ودنه
بيوم الحصاد الرب محد كَرب ... ونه
وبيوم كَاعي محلت كلمن لزم ... منجله
******************************
غركَان وسط البحر واتكَلي جرلك ... نفس
وتدري بهذاك الوكت حالي احسه... نفس
حال الي فاكَد وطن والفرح من ...انفس
والدنيا يا خي بحر يحوي شكثر... وسعه
هم للتحبه بصدكَ دوس الخطر... وسعه
هنيالي كون اندفن بعيونك... الوسعه
واتحمل الصار من عين البشر والنفس
*************************
يا صاح ماضل بعد زلم العليها ... عمد
وصار الردي اعله الزين يحجي بوكاحه ...وعمد
وعز الي شال السمه من غير تكيه ... وعمد
العنده فكر وعكَل بس هو يلكَه ... السر
يسرك يصاحب زلم تحجي دردها ... بسر
الانذال خي لو ولت بس للخنيث ... اتسر
وعز الرجل لو وكَف الصاحبه درع وعمد
**********************************
لخبار الاحباب جينه بهالمسيه... نجس
يا ايد النسالم بعد يا ايد نكَدر... نجس
مو كل حجي ينحجي خايف عليكم... نجس
واعصابنه الفالته نضبطها ابد ... منثور
وانلم بكَايه الحجي ان جان الحجي... منثور
وانت الترجه لبن يا صاحبي من ... ثور
غم راي عكََلك ولك يا ثور ثديه ... يدر
ودايم تدك عل تنك وتصيح غالي ... يدر
الما يدري مو مشكله اشلون بلي ... يدر
مرافج بنادم ردي ملعون طبعه... نجس
*************************
الباب التجي الريح منه لا تفتحه ... سده
والغيري ماضن جره مثل العليه ... سده
اتراب ارضي كلش حلو ويستاهل .. اتوسده
من طاح هذا الوطن بالشده من ... ساعده
كطعوا اجفوفه وصل بتروه من ... ساعده
عديت انه وكَلت هيهات .... منسه عده
واحد يضل الهل شعب معروف لحمه بس
;كاتب هذه البيات الموثرة نجفي
تحياتي للجميع
الثلاثاء فبراير 24, 2015 4:32 pm من طرف اكرام
